قناة تلفزيون السودان (بث مباشر)
قناة الزرقاء (بث مباشر)
وطن الإعلامية – الإثنين 30-12-2024م:
-رَحِمَ الله الأخ الصديق الضاحك الباكی صاحب كتاب (الضحك فی بيت البكاء) اللواء شرطة محی الدين محمد علی،فقد حكیٰ لی ذات مرة: إنه كان يعمل بجهاز الأمن العام وَكُنَّا فی حالة (إستعداد مية المية) وفی المساء قابلت زميلی الضابط النبوتجی فی النادی وسألته عن سبب تركه مكان عمله ونحن فی حالة استعداد،فقال لی (كله تمام) قلت له كيف؟ ومدير الجهاز مشدد علی عدم مغادرة المكتب!! فقال لی إطمٸن مافی زول بعمل انقلاب فی شهر تمانية!! قلت ليه من وين جبت الكلام ده؟ فقال لی: يا اخی بس لو نجح إنقلاب فی شهر ثمانية،يغنوا ليهو كيف؟ يعنی الفنان لما يقول يا آ آغووسطووس، تجيهو لوز طوالی!!
-وبمناسبة شهر ديسمبر ولمن يريد أن يُحَیِّ ثورة ديسمبر (الما جيدة) قال البعض(نحنا ماعايزين سنة جديدة!! عايزين سنة مستعملة من سنين ثورة الإنقاذ الوطنی) طبعاً القحاطة (الله يكرم السامعين) بيخجلوا من أن يرددوا مثل هذا الكلام،لأنَّ الندم يكسوهم من قمة الرأس إلیٰ أُخمص القدم، وعلی كل حال يظل التحدی الذی قال به ضابط الشرطة عن النشيد قاٸماً إلَّا من تخبطات وتهريجات دسيس مان وبكاٸية هجمونا والبنوت نيام!! عاد ده كلام ده،طيب البنوت نايمات انتو مش صاحيين؟ المشكلة وين!!
-وإسهاماً فی إحياء ذكری ديسمبر (الما جيدة) نطلب إجازة النص التالی، علی أن يُراعیٰ عند وضع اللحن إيقاع (الحی ووب) مثلما هناك إيقاع الدليب والدلوكة والتُم تم والنوبة وغيرها،، يقول النَّص:-
ياديسمبر ياديسمبر انت الثورة ونحن السِمبِر . (دی العصاية بلغة الملحنين) !!
ياديسمبر
كل يوم ماشين لی ورا
دی بلدنا لازِم نأخِّرا
ما نحنَ بْنَحِب الجرجره
كنداكة جا،بوليس جریٰ
ياديسمبر ياديسمبر
إنتَ الحشرة ونحن السِمبر
الكوز يبنی ونحنَ ندمِّر
للقعدة والشيشة نَعَمِّر
ياديسمبر معليش معليش
فقدنا الموية وفقدنا العيش
حتَّیٰ الأمن بقیٰ مافيش
عشان بنقول ما عندنا جيش
مافيش تربية ولا تعليم
ولا مستشفی للتنويم
لا مستقبل للأولاد،،،
شُغْلَنا بس تتريس تهديم
وَلَّعنا الحرب عشان نحميك
وبالتدوين قلنا ندفِّيك،،،
بدل الجوطة والكواريك
هسی عرفنا الجيش الفيك
أو أی شٸ من هذا القبيل،وشهر أبرك من شهر والحمد لله ان هذه الثورة ما قامت فی شهر أغسطس،وإلا لما تمكنا من كتابة هذا النص الشعری. ولك أيُّها القارٸ الكريم ان تعتبره إستراحة،أو عشرة دقيقة صفا.
-النصر لجيشنا الباسل.
-العِزة والمِنعة لشعبنا المقاتل.
-الخِزی والعار لأعداٸنا وللعملاء، ولدويلة mbz اْو wuz.
-وما النصر إلَّا من عند الله.
-والله أكبر، ولا نامت أعين الجبناء.
