منصور الهادي يكتب: رسائل كباشي من القصارف

وطن الإعلامية – السبت 30-3-2024م:
*انا شخصيا*..
ما عااارف (كباشي) وين في كلمتو القالها في القضارف أساء (لكتيبة البراء) أو لأي حزب سياسي …

كلام كباشي واضح..

ابعدو حرب الكرامة من السياسة والجلايب الحزبية ومرحب بالجميع في صف الجيش..
وحذر من أي تصرف سياسي يستغل المؤسسة العسكرية في حربها ضد المليشيا المجرمة ويتكسب من الحرب القائمة الان لمصلحة حزبية خاصة …

الكلام دا فيهو شنو؟!
كلام كل الناس متفقين عليهو… وصحيح مية المية…

*هلللل*..
كباشي قال لي جهة حزبية أو سياسية أو دينية ترجع عن صف الجيش ولأ قال نصطف دون أي ميول سياسية..؟!

اما بخصوص المقاومة الشعبية صحيح ممنوع كل عشرة أنفار يعملوا مقاومة براهم زي البتعمل فيهو (غاضبون) الشادين حلتهم في الاتجاهين..
والصحيح الانخراط تحت مظلة قيادات المقاومة الشعبية التي أعلنت في الولايات..

*حكاية*..
اي جهة حزبية أو ثورية تعمل مقاومة براها خارج تكليف القوات المسلحة والدولة مرفوض بالطبع..

ولأ ما مرفوض ونخليها فوضى..؟!

اي محاولة لتفصيل كلام كباشي ضد جهة ما وألباسه لها يعتبر فتنة وتتبع لمتشابه الكلام…

*مرحب*..
بجميع السودانين في معركة الكرامة بدون فرز وبدون اي تفاصيل حزبية أو سياسية… جيش بس..
وبعد الانتقالية أن شاء تسلخو بعض..
الصندوق بس..
يعني ما تجي تعمل فيها كنت في المعركة مع الجيش وعايز تقضيل أنتخابي شعبي في الموضوع دا ..

مذكرني يا شعب..
اي انا الكنت لابد لجماعة في الحفرة..
ولأ ما شفتو الفيديو..؟؟

هييبييي.. ونسيتونا نحنا…؟!
نحنا ما الجبنا الشي زاتو.. وهسي ما تنسونا من اصواتكم..

اياااك تعمل من معركة الكرامة دعاية انتخابية…مقاومة شعبية يعني مقاومة شعبية خالية من أي نزاعات سياسية…

وزي ماقال كباشي اوووعك تعمل كدا..

*المهمممممممممم..*

انتو زاتو القال ليكم منو كتيبة البراء ما عساكر؟!!!

هل خرجت كتيبة البراء في أي مقام وأعلنت انها تنتمي لأي جهة سياسية..؟!

أطلاقا… شغالين بل بس..
………
#وطن_الاعلامية
#منصة_وطن_الإعلامية
#السودان
#مليشيا_الدعم_السريع_الارهابية_المتمردة
#الجيش_السوداني
#معركة_الكرامة
#انتهاكات_مليشيا_الدعم_السريع
#القوات_المسلحة_السودانية